10වෙනි කොටසට හැඳින්වීම
මුළු විශ්වයේම රජ යෙහෝවා දෙවි. හැම දෙයක්ම තියෙන්නේ ඔහුගේ පාලනය යටතේ. ඒක එදත් අදත් ඉස්සරහටත් එහෙමයි. එදා යෙරෙමියාව ගැඹුරු ළිඳකට දාලා මරන්න හදද්දී දෙවි එයාව බේරුවා. ෂද්රක්, මේෂක් සහ අබෙද්නෙගෝව ගිනි උදුනෙනුත් දානියෙල්ව සිංහයන්ගෙනුත් බේරගත්තා. යෙහෝවා දෙවි එස්තර්ව ආරක්ෂා කරපු නිසා එස්තර්ට පුළුවන් වුණා එයාගේ සෙනඟව බේරගන්න. යෙහෝවා දෙවි නපුරු දේවල් හැමදාම තියෙන්න ඉඩ දෙන්නේ නැහැ. නෙබුකද්නෙෂර් දැක්ක විශාල රූපයෙන් සහ ගසෙන් පෙන්නුවේ යෙහෝවා දෙවිගේ ආණ්ඩුව අනාගතයේදී මේ ලෝකයේ තියෙන හැම නපුරු දෙයක්ම ඉවත් කරලා පොළොව පාලනය කරනවා කියලයි.
මේ කොටසේ
57වෙනි පාඩම
යෙරෙමියා දිගටම දේශනා කළා
යූදා දේශයේ වැඩිමහල්ලන්ට කේන්ති ගියේ මේ අනාගතවක්තෘවරයා කියපු මොන දේ නිසාද.
58වෙනි පාඩම
යෙරුසලම විනාශ වෙයි
යූදා සෙනඟ දිගටම බොරු දෙවිවරුන්ට නමස්කාර කරපු නිසා දෙවි එයාලව සතුරන්ගේ අතට පත් වෙන්න ඉඩහැරියා.
59වෙනි පාඩම
යෙහෝවා දෙවිට කීකරු වුණු යෞවනයන් හතරදෙනෙක්
යෞවන යුදෙව්වන් හතරදෙනා බැබිලෝනියේ රජමාලිගාවේ හිටියත් යෙහෝවා දෙවිට ළැඳිව ඉන්න අදිටන් කරගෙන හිටියා.
63වෙනි පාඩම
බිත්තියේ ලියැවුණු අකුරු
අතක් මතු වෙලා බිත්තියේ අකුරු ලිව්වේ මොන වෙලාවෙද? ඒ වචනවලින් අදහස් වුණේ මොකක්ද?
66වෙනි පාඩම
එස්රා දෙවිගේ නීතිය ඉගැන්නුවා
එස්රා කියපු දේ ඇහුවට පස්සේ ඊශ්රායෙල් සෙනඟ යෙහෝවා දෙවිට විශේෂ පොරොන්දුවක් වුණා.
67වෙනි පාඩම
යෙරුසලමේ තාප්ප
සතුරන් පහර දෙන්න සූදානම් වෙනවා කියලා නෙහෙමියා දැනගත්තා. එයා බය වුණේ නැත්තේ ඇයි?