Jehova ke Morena ea matla ’ohle. Haesale e le eena ea laolang lintho ’me o tla lula a li laola. Ka mohlala, o ile a pholosa Jeremia hore a se ke a shoella ka sekoting sa seretse. O ile a sireletsa Shadrake, Meshake le Abednego hore ba se ke ba shoella ka seboping sa mollo a ba a pholosa Daniele hore a se ke a bolaoa ke litau. Jehova o ile a sireletsa Esthere e le hore a ka pholosa batho ba habo. A ke ke a lumella hore bokhopo bo ’ne bo tsoele pele ka ho sa feleng. Boprofeta ba setšoantšo se seholo le sefate se seholo bo bontša hore Jehova o tla felisa bokhopo bohle bo teng lefatšeng ha ’Muso oa hae o se o le teng ’me o tla busa lefatše.