Yehova ndi Fumu ya chilengedu chosi. Iyu wakwamba kali kulamuliya ndipu walutirizengi kulamuliya. Mwakuyeruzgiyapu, Yehova wangutaska Yeremiya muzenji lo angumuponya kuti wafwi. Iyu wangutaska Shadreke, Mesheke ndi Abedenego mung’anju yamotu ndipuso wangutaska Danyele kuti waleki kubayika ndi nkharamu. Yehova wanguvikiliya Estere kuti wataski mtundu wosi wa Ayisraele. Iyu wazomerezengi cha kuti vinthu viheni vilutirizi kuchitika. Uchimi wo ukamba za chikozgu ndi chimiti chikulu ulongo kuti pambula kuswera yapa, Ufumu waku Yehova utuzgengepu vinthu vosi viheni ndipu ulamuliyengi charu chosi.