Makani Aantalisyo Aacibeela 10
Jehova Mwami waboonse. Wali kweendelezya alimwi lyoonse uyoozumanana kweendelezya. Mucikozyanyo, wakafwutula Jeremiya mumugoti walufwu. Wakafwutula Sadrake, Mesake, alimwi a Abedinego mubbibi lyamulilo alimwi a Daniele kumilomo yabasyuumbwa. Jehova wakakwabilila Esita kutegwa acikonzye kufwutula cisi cabo. Takalekeli bubi kuti buzumanane mane kukabe kutamani. Businsimi bujatikizya cikozyanyo cipati alimwi acisamu cipati bupa kusinizya kuti Bwami bwa Jehova ino-ino buyoogwisya bubi boonse alimwi akutalika kulela nyika.
MUCIBEELA EECI
Jehova Watuma Jeremiya Kuyookambauka
Ncaakaamba musinsimi ooyu uucili mwana cakapa kuti baalu bamu Juda banyeme kapati.
Jerusalemu Wanyonyoonwa
Ba Juda bazumanana kukomba baleza bakubeja, aboobo Jehova wabalekelezya.
Basankwa Ibali 4 Ibakamvwida Jehova
Bakubusi ba Juda bakanzide kuzumanana kusyomeka kuli Jehova noliba leelyo nobali munkuta ya mwami mu Babuloni.
Bwami Ibuyookkalilila Kukabe Kutamani
Daniele wacipandulula ciloto ca Nebukadinezara cigambya.
Bakakaka Kuvwuntama
Sadirake, Mesaki, alimwi a Abedinego bakaka kukomba cibumbwa cangolida caku Babuloni.
Bwami Ibuli Mbuli Cisamu Cipati
Ciloto ca Nebukadinezara caamba buumi bwakwe mbobuyooba kumbele.
Bulembo Kubwaanda
Ino ndilili bulembo oobu buyoosya nobwakalibonya, alimwi ino bupandulula nzi?
Daniele Uli Mumulindi Wabasyuumbwa
Weelede kupaila kuli Jehova abuzuba, mbubwenya mbuli Daniele!
Esita Wabavwuna Bantu Bakwe
Nokuba kuti tanaakali wamucisi eeco alimwi wakali mucaala, wakaba namalelo.
Ezara Wakali Kuyiisya Mulawo wa Leza
Ciindi bana Israyeli nobakaswiilila kuli Ezara, bakasyomezya cisyomezyo caalubazu kuli Leza.
Bwaanda bwa Jerusalemu
Nehemiya wakazyiba kuti basinkondonyina bakakanzide kumulwana. Nkaambo nzi ncaatakayoowa?
