Mazgu Ghakwamba gha Chigaŵa 10
Yehova ni Fumu ya vyose. Ndiyo wakwendeska vinthu. Mwachiyelezgero, wakathaska Yeremiya ku nyifwa. Wakaponoska Shadireki, Misheki, na Abedinego mu ng’anjo ya moto kweniso Daniyeli ku nkhalamu. Yehova wakavikilira Esitere kuti waponoske mtundu wose. Walekelerenge yayi kuti uheni ulutilire muyirayira. Mauchimi gha chikozgo chikuru na chikhuni chikuru ghakutisimikizgira kuti Ufumu wa Yehova uzamuwuskapo uheni wose sonosono apa, ndipo ndiwo uzamwendeska vinthu pa charu.
MU CHIGAŴA ICHI
Yehova Wakatuma Yeremiya Kuti Wakapharazge
Ivyo Yeremiya wakayowoya vikakwiyiska chomene ŵanalume ŵalara ŵa mu Yuda.
Yerusalemu Wakaparanyika
Ŵanthu ŵa mu Yuda ŵakalutilira kusopa ŵachiuta ŵatesi, ntheura Yehova wakaŵaleka.
Ŵanyamata Ŵanayi Awo Ŵakapulikira Yehova
Ŵanyamata ŵa ku Yuda ŵakalutilira kugomezgeka kwa Yehova, nangauli ŵakakhalanga mu nyumba yachifumu ku Babuloni.
Ufumu Uwo Uzamukhalilira Muyirayira
Daniyeli wakalongosora ng’anamuro la loto la Nebukadinezara.
Ŵakakana Kugwadira Chikozgo
Shadireki, Misheki, na Abedinego ŵakakana kusopa chikozgo chagolide cha themba la Babuloni.
Ufumu uwo Ukaŵa nga ni Khuni Likuru
Loto ili likang’anamuranga kuti Nebukadinezara wazamupokeka ufumu.
Mazgu Ghakalembeka pa Chiliŵa
Kasi mphawuli apo mazgu ghachilendo agha ghakalembeka, ndipo ghakung’anamura vichi?
Daniyeli mu Khululu la Nkhalamu
Ulombenge kwa Yehova zuŵa lililose nga umo wakachitiranga Daniyeli
Esitere Wakaponoska Ŵanthu Ŵakwake
Nangauli wakaŵa mulendo, kweni wakazgoka fumukazi.
Ezira Wakasambizganga Dango la Chiuta
Ŵaisrayeli ŵakati ŵategherezga kwa Ezira, ŵakachita phangano lapadera na Chiuta.
Viliŵa vya Yerusalemu
Nehemiya wakapulika kuti ŵalwani ŵake ŵakakhumbanga kuŵawukira. Chifukwa wuli wakawopa yayi?