O Iehova te Arii i nia i te mau mea atoa. E mana iho â to ˈna i nia i te mau mea atoa, mai te tau mai â e a muri noa ˈtu. Ei hiˈoraa, ua faaora oia ia Ieremia mai roto mai i te apoo o te pohe. Ua faaora oia ia Sadaraka, Meseka e ia Abede-nego mai roto mai i te hoê umu auahi. Ua faaora atoa mai oia ia Daniela i te mau liona. Ua paruru Iehova ia Esetera ia nehenehe tera vahine e faaora i to ˈna nunaa. Eita Iehova e vaiiho noa i te ino ia tupu e a muri noa ˈtu. Te haapapu mai ra te mau parau tohu no nia i te tii rahi e no nia i te tumu raau rahi e te fatata mai ra te Faatereraa arii a Iehova i te haamou i te ino atoa e i te faatere i te fenua.