Intshayelelo Yecandelo 10
UYehova nguKumkani wookumkani. Yonke into ibisoloko isezandleni zakhe, ibe kuya kuba njalo ngonaphakade. Ngokomzekelo, wamsindisa uYeremiya eza kufela emngxunyeni. Wasindisa uShadraki, uMeshaki noAbhednego kwiziko lomlilo, wasindisa noDaniyeli emilonyeni yeengonyama. UYehova wamkhusela uEstere ukuze asindise lonke uhlanga lwakhe. Akasoze ayeke izinto ezimbi zenzeke ngonaphakade. Iziprofeto zomfanekiso omkhulu nomthi omkhulu zisenza siqiniseke ukuba kungekudala uBukumkani bukaYehova buza kuziphelisa zonke izinto ezimbi ezenzekayo kuze kulawule bona apha emhlabeni.
KWELI CANDELO
UYehova Uthuma UYeremiya
Into eyathethwa ngulo mprofeti usemncinci yazicaphukisa izikhulu zakwaYuda.
IYerusalem Iyatshatyalaliswa
Abantu bakwaYuda abayeki ukunqula oothixo bobuxoki, ngenxa yoko uYehova uyabashiya.
Amakhwenkwe Amane Awathobela UYehova
AmaYuda asemancinci azimisele ukuhlala enyanisekile kuYehova, nkqu nasemzini kakumkani eBhabhiloni.
Ubukumkani Obuza Kulawula Ngonaphakade
UDaniyeli ucacisa into ethethwa liphupha elingaqhelekanga likaNebhukadenetsare.
Abazange Baqubude
UShadraki, uMeshaki noAbhednego abazange bavume ukunqula umfanekiso wegolide kakumkani waseBhabhiloni.
Ubukumkani Obunjengomthi Omkhulu
Iphupha likaNebhukadenetsare lichaza into eza kwenzeka kuye.
Umbhalo Osedongeni
Ubonakala nini umbhalo ongaqondakaliyo yaye uthetha ukuthini?
UDaniyeli Emngxunyeni Oneengonyama
NjengoDaniyeli, thandaza kuYehova yonke imihla!
UEstere Usindisa Abantu Bakowabo
Nangona wayengowasemzini ibe engenabazali, waba ngukumkanikazi.
UEzra Wafundisa UMthetho KaThixo
Emva kokuba amaSirayeli emamele uEzra, enza isithembiso esikhethekileyo kuThixo.
Iindonga ZaseYerusalem
UNehemiya wafumanisa ukuba iintshaba zakhe zaziceba ukubahlasela. Kwakutheni ukuze angoyiki?
