Sa seksiyon na ini mapuon an mga istorya na nasa Kristiyanong Griegong Kasuratan. Namundag si Jesus sa sarong simple sanang pamilya na nakaistar sa sarong sadit na banwaan. Nagtrabaho siya kaiba kan saiyang ama na karpintero. Si Jesus an magliligtas sa mga tawo. Pinili siya ni Jehova na magin Hadi kan Kahadian kan kalangitan. Kun saro kang magurang, tabangan an saimong aki na masabutan kun paano maingat na pinili ni Jehova an pamilya asin kapalibutan na dadakulaan ni Jesus. Pag-isipan kun paano prinotektaran ni Jehova si Jesus para dai siya maipagadan ni Herodes asin kun taano ta dai nin makakaulang sa katuyuhan ni Jehova. Aramon an mga ginibo ni Jehova sa pagpili ki Juan tanganing iyo an mag-andam kan dalan para ki Jesus. Iduon kun paano ipinahiling ni Jesus puon pa sa pagkaaki na mahalaga nanggad saiya an kadunungan na hali ki Jehova.