Se Ẹdinemede ke Ikpehe 11
Iditọn̄ọ ke ikpehe emi ineme se idude ke N̄wed Abasi Usem Greek. Jesus ikamanake idụk ufọk imọ; ubon mmọ ẹkenyụn̄ ẹdụn̄ ke ekpri obio. Enye ekesinam utom kapenta ye ete esie. Enye ekedi owo emi Jehovah edidade inyan̄a ubonowo, Jehovah ama onyụn̄ emek enye Edidem Obio Ubọn̄ heaven. Edieke enyenede eyen, nam enye okụt nte Jehovah akanamde Jesus amana ke ubon emi ediyakde enye ekeme ndinam n̄kpọ Abasi. Se nte Jehovah ekekpemede Jesus mbak Herod idiwot enye, ye nte n̄kpọ ndomokiet mîkemeke ndikpan Jehovah ndinam uduak esie. Se n̄ko nte Jehovah ekemekde John ete ọdiọn̄ usụn̄ enịm ọnọ Jesus. Nam eyen fo enen̄ede okụt nte Jesus okowụtde toto ke ekpri ke imọ imama se Jehovah ekpepde imọ.
KE IKPEHE EMI
UKPEPN̄KPỌ 68
Elizabeth Aman Eyen
Nso ikanam ẹdọhọ ebe Elizabeth ke enye idikemeke nditịn̄ ikọ tutu eyen amana?
UKPEPN̄KPỌ 70
Mme Angel Ẹditịn̄ ke Jesus Amana
Mme ekpemerọn̄ emi ẹkekopde ke Jesus amana ẹma ẹsọsọp ẹka ẹkese enye.
UKPEPN̄KPỌ 73
John Ọkwọrọ ke Messiah ke Edi
John okpon akabade prọfet onyụn̄ ọkwọrọ ke Messiah ke edi. Nso ke mme owo ẹnam ke ini ẹkopde ikọ John?