Homẹbibiọ Na Adà 11
Nujijọ he to Owe-wiwe Glẹki tọn lẹ mẹ lẹ wẹ yin hodọdeji bẹsọn adà ehe ji. Jesu yin jiji to whẹndo wamọnọ tọn he nọ nọ̀ tòpẹvi de mẹ. E wazọ́n dopọ hẹ otọ́ etọn, he yin whlẹpatọ de. Jesu wẹ mẹlọ he na whlẹn gbẹtọvi lẹ. Jehovah ko de e nado yin Ahọlu na Ahọluduta olọn mẹ tọn etọn. Eyin mẹjitọ de wẹ a yin, gọalọna ovi towe nado mọ lehe Jehovah yí sọwhiwhe do de whẹndo he mẹ Jesu na yin pinplọn whẹ́n te po lẹdo he mẹ e na whẹ́n te po do. Gbadopọnna lehe Jehovah basi hihọ́na Jesu ma nado yin hùhù gbọn Hẹlọdi dali, podọ lehe nudepope ma gán glọnalina Jehovah nado hẹn lẹndai etọn di do. Plọnnu gando lehe Jehovah deazọ́nna Johanu nado jla aliho lọ do na Jesu do go. Zinnudo lehe Jesu dohia dọ ewọ yiwanna nuyọnẹn Jehovah tọn etlẹ yin sọn ovu whenu do ji.
TO ADÀ EHE MẸ
NUPINPLỌN 68
Elizabẹti Ji Ovi De
Naegbọn e do yin didọna asu Elizabẹti tọn dọ e ma na penugo nado dọho kakajẹ whenue ovi lọ na yin jiji?
NUPINPLỌN 73
Johanu Jla Aliho lọ Do
Johanu lẹzun yẹwhegán to whenue e whẹ́n. E plọnmẹ dọ Mẹsia lọ ko ja. Nawẹ mẹlẹ yinuwa gbọn to whenue yé sè owẹ̀n etọn?
