Omambo wokomeho wOrupa 11
Orupa ndwi maru hungire ohunga nOmatjangwa wOtjigrike. Jesus wa kwatwa meṱunḓu ndi hari noviṋa ovingi nu ndaari kara motjirongo otjiṱiṱi. Eye aa ungura puna ihe otjomuhonge womiti. Jesus ongwaa sokukayama ovandu. Jehova we mu toorora okurira Ombara yOuhona we womeyuru. Tji u ri omunene, vatera omuatje woye okumuna omuano Jehova ma toorora nawa eṱunḓu nongaro Jesus mu me kurire. Ripurira komuano Jehova ma tjevera Jesus kutja a ha zepewa i Herodes nokutja kape notjiṋa tji matji yenene okutjaera ondando yaJehova. Rihonga omuano Jehova ma toorora Johanes okurongerisira Jesus ondjira. Ṋunisa omuano Jesus ma raisa kutja nandarire ngunda e ri omuṱiṱi eye wa suverere ondjiviro yaJehova.
MORUPA NDWI
EHONGWA 68
Elisabet ma panduka omuatje
Ongwaye omurumendu waElisabet tja raerwa kutja kena ku yenena okuhungira nga omuatje we tja pandukwa?
EHONGWA 70
Ovaengeli mave tjivisa ongwatero yaJesus
Ovarise mba zuva ombuze va toorera ko omikambo tjimanga.
EHONGWA 73
Johanes ma rongerisa ondjira
Johanes tje kura wa rira omuprofete. Eye aa hongo ovandu kutja Messias me ya. Ovandu va raisa ongaro iṋe kombuze ndji?
