Ndai daw gaw Hkristan Greek Chyum Laika re ai, Ga Shaka Ningnan hpe shachyen ya ai re. Yesu gaw mare kaji kaw nga ai, shagrit shanem ai kun dinghku hta shangai wa ai. Lak sama galaw ai shi a shinggyim kawa hte arau bungli galaw wa ai. Yesu gaw shinggyim masha ni hpe hkye la na wa re. Yehowa gaw shi hpe sumsing lamu Mungdan a Hkawhkam hku nna lata wa ai. Lama na nang gaw kanu kawa rai yang, Yesu nga kaba wa na kun dinghku hte, makau grup yin hpe Yehowa atsawm sha lata wa ai lam, na a ma ni chye na hkra tsun dan u. Yesu hpe sat mayu ai Herod a hpyen kaw nna, Yehowa makawp maga ya ai lam, Yehowa a yaw shada lam hpe hpa mung pat shingdang n lu ai lam ni hpe myit yu u. Yesu a lam lajang na matu, Yawhan hpe Yehowa lit jaw ai lam hpe mung hkaja yu u. Yesu gaw asak kaji ai aten hta pyi, Yehowa a hpaji byeng ya hpe tsawra ai lam ahkyak shatai nna tsun dan u.