Hɔɔlʋʋ kʋnɛ kɩ-taa, ɖɩpaɣzɩɣ yɔɔdʋʋ Grɛɛkɩ Masɩ tɔm. Palʋlɩ Yesu tɛtʋ cikpetu natʋyʋ taa, hɔʋ ŋgʋ kɩfɛyɩ ñɩm yɔ kɩ-taa. Ɛ-caa kaakɛ kafɩnda nɛ ɛsɩɣnɩ-ɩ tʋmɩyɛ labʋ. Yesu kaɣnɩ yabʋ ɛyaa ñʋʋ. Yehowa lɩzɩ-ɩ se ɛkɛ ɛsɔdaa Kewiyaɣ Wiyaʋ. Ye ŋkɛ lʋlɩyʋ yɔ, sɩnɩ ña-pɩɣa nɛ kana ɛzɩma Yehowa lɩzɩ camɩyɛ hɔʋ ŋgʋ kɩ-taa palʋlɩ Yesu yɔ nɛ ɖenɖe ɛpaɣlaa yɔ. Yʋsɩ ɛzɩma Yehowa kandɩyɩ Yesu yɔɔ se Eroodi ɛtaakʋ-ɩ yɔ, nɛ ɛzɩma nabʋyʋ ɛɛpɩzɩɣ nɛ pɩkaɖɩnɩ Yehowa kaɖʋwa se kataala yɔ. Yʋsɩ ɖɔɖɔ ɛzɩma Yehowa ɖʋ Yohanɛɛsɩ tʋmɩyɛ se ɛñɔɔzɩ Yesu nʋmɔʋ yɔ. Kɔzɩ kɔzɩ lɛ, yʋsɩ ɛzɩma Yesu wɩlaa se ɛsɔɔlɩ Yehowa lɔŋsɩnɖɛ, halɩ pɩkpɛndɩnɩ alɩwaatʋ ndʋ ɛɛkɛ pɩɣa evelaɣ yɔ.