Saʼ li tasal aʼin, tqatikibʼ rilbʼal li naxye li Santil Hu li kitzʼiibʼamank chaq saʼ Griego. Tqil naq li junkabʼal li kiyoʼlaak wiʼ li Jesus moko naabʼal ta xtumin ut wank saʼ jun li kʼalebʼaal ut kikʼanjelak rikʼin li xyuwaʼ, laj peechʼ. Li Jesus aʼan laj Kolonel rehebʼ li poyanam. Li Jehobʼa kisikʼok ru choʼq Awabʼej saʼ li Xʼawabʼejilal saʼ choxa. Wi wank aakokʼal, tenqʼahebʼ chi xtawbʼal ru naq li Jehobʼa kixsikʼ chiʼus li xjunkabʼal li Jesus re naq us tkʼiiq. Chʼolobʼ naq li Jehobʼa kixkol li Jesus naq laj Herodes kiraj xkamsinkil. Maakʼaʼ naru natʼilok, re naq ttzʼaqloq ru li rajom li Jehobʼa. Kʼut chiruhebʼ naq li Jehobʼa kisikʼok re laj Juan re naq tixkʼubʼ li xbʼe li Jesus. Kʼe chi naweʼk naq, chalen chaq saʼ xkachʼinal, li  Jesus naxra chaq li xchoxahil naʼlebʼ li Jehobʼa ut chʼolchʼo chiru naq li Yos naru nabʼeresink re ut maawaʼ li xkʼaʼuxl.