Kitini yai kele luyantiku ya Masonuku ya Kigreki ya Bukristu. Yezu butukaka na dibuta mosi ya bansukami yina vandaka kuzinga na bwala mosi ya fioti. Yandi salaka ti tata na yandi yina vandaka sharpantie. Yezu ke muntu yina ta gulusa bantu. Yehowa me ponaka yandi Ntotila ya Kimfumu ya zulu. Kana nge kele kibuti, sadisa mwana na nge na kubakisa mutindu Yehowa ponaka mbote-mbote dibuta mpi kisika yina Yezu zolaka kuyela. Tadila mutindu Yehowa taninaka Yezu sambu Erode kufwa yandi ve mpi mutindu kima mosi ve lenda kanga lukanu ya Yehowa nzila. Longuka mutindu Yehowa pesaka Yoane kisalu ya kuyidikila Yezu nzila. Bula munsonso na mutindu Yezu monisaka nde ata na kileke, yandi vandaka kuzola mayele ya Yehowa.