E kunku kiaki kivovelanga tusansu tuna muna Sono ya Kingerekia ya Kikristu. Yesu mu kanda dia asukami kawutukila, diazingilanga mu mbanza yakete. Wasalanga e ntwadi yo se diandi e salu kia kimvadi a nti. Yesu yandi kaka wafwana vuluza e nza. Yave wansola mu kala Ntinu a Kintinu kia zulu. Avo u se yovo ngudi, sadisa wan’aku mu zaya una Yave katoma solela e kanda ye fulu kiadi sansukila Yesu. Badika una Yave katanina Yesu kimana kalembi vondwa kwa Erodi ye dina disonganga vo ke vena diambu ko dilenda kakidila e kani dia Yave dialembi lungana. Zaya una Yave kasolela Yoane mu kubika e  nzila mu kuma kia Yesu. Toma sasila una Yesu kasongela vo wazolanga e ngangu za Yave, kana nkutu vava kakala nleke.