Kalulo ye italusa Mañolo A Sigerike A Sikreste. Jesu naapepezwi mwa lubasi lwa mayemo a kwatasi ili lone lupila mwa tolopo yenyinyani. Naasebezanga ni ndatahe, yanaali mubeti. Jesu ki yena yanaaka pilisa batu kaufela. Jehova naamuketile kuba Mulena wa Mubuso wa kwa mahalimu. Haiba mu bashemi, mutuse mwanaa mina kuitebuha mo Jehova naaketezi ka tokomelo lubasi ni sibaka mwanaaka pepelwa ni kuhulela Jesu. Munyakisise mo Jehova naasilelelize Jesu kuli asike abulaiwa ki Heroda ni libaka nto ifi kamba ifi haisa koni kupaleliswa mulelo wa Jehova. Muitute mo Jehova naafezi Joani musebezi wa kulukiseza Jesu nzila. Mukoñomeke mo Jesu naaboniselize kuli naalata butali bwa Jehova kuzwa feela kwa bwanana bwahae.