Diumvuija dia Tshitupa tshia 11
Tshitupa etshi tshidi tshibanga kuakula bua Mifundu ya tshiena Greke ya buena Kristo. Yezu uvua muledibue mu dîku divua kadiyi ne makuta a bungi divua disombele mu katshimenga kakese. Uvua wenza mudimu ne tatuende uvua muena mabaya. Yezu ke muntu uvua ne bua kulua kupandisha bantu. Yehowa uvua mumusungule bua ikale Mukalenge wa Bukalenge bua mu diulu. Wewe muikale muledi, ambuluisha muanebe bua amone muvua Yehowa musungule dîku divua Yezu ne bua kuledibua ne muaba uvuaye ne bua kukolela, mubisungule bimpe menemene. Tangila muvua Yehowa mukube Yezu bua kabamushipi kudi Helode ne mudi tshintu nansha tshimue katshiyi mua kuimanyika malu adi Yehowa mulongolole bua kuenza. Neumone muvua Yehowa mupeshe Yone mudimu wa kulongoluela Yezu njila. Utambe kuleja muvua Yezu muleje ne: nansha patshivuaye muana, uvua munange malu a meji a kudi Yehowa.
MU TSHITUPA ETSHI
DILONGESHA DIA 68
Elizabeta udi upeta muana
Bua tshinyi bavua bambile bayende wa Elizabeta ne: uvua ne bua kushala mupuwe kayi wakula too ne pavuabu ne bua kulela muana?
DILONGESHA DIA 69
Muanjelu Gabaliele kudi Mariya
Wakamupesha mukenji uvua mushintulule nsombelu wende.
DILONGESHA DIA 70
Banjelu badi bamanyisha diledibua dia Yezu
Balami ba mikoko bavua bumvue tshivua banjelu bambe bakaya lukasa lukasa.
DILONGESHA DIA 73
Yone udi ulongolola dilua dia Masiya
Yone wakalua muprofete pakakolaye. Uvua ulongesha ne: Masiya uvua ne bua kulua. Bantu bakenza tshinyi bua mukenji wende?