Ipan ni tlaxeloli tikitasej tlen kiijtoua Escrituras Griegas Cristianas. Tikitasej Jesús ichampoyouaj amo tlatominpiayayaj uan itstoyaj ipan se pilaltepetsi. Itata Jesús eliyaya kuaxinketl uan tekitik iuaya. Jesús kinmakixtiskia maseualmej. Jehová kitlapejpenijtoya ma eli Tlanauatijketl ipan iTlanauatijkayo. Tlaj tikinpia mokoneuaj, xikinpaleui ma kikuamachilikaj Jehová kuali kintlapejpenik katli kiiskaltiskiaj Jesús, kintlapejpenik katli kiikneliyayaj toTeotsij. Nojkia xikinixtomili: Jehová kimanauik Jesús kema Herodes kinekiyaya kimiktis, Jehová amo tleno uelis kitsakuilis ma kichiua tlen mosentlalijtok, Jehová kitlapejpenik Juan ma kikualtlali iojui Jesús, uan maske Jesús nojua eliyaya se piltelpokatsi nochipa kikajki Jehová ma kiyakana.