Karolo ye e tlo re botša ka ditiragalo tša ka Mangwalong a Bakriste a Segerika. Jesu o ile a belegelwa ka lapeng la go itlhakela leo le bego le dula motsaneng o monyenyane. O be a šoma le tatagwe, yoo e bego e le mmetli. Jesu ke yena yo a bego a tlo phološa batho. Jehofa o be a mo kgethile gore e tle e be Kgoši ya Mmušo wa legodimong. Ge e ba o le motswadi, thuša ngwana wa gago go bona gore Jehofa o dirišitše bohlale go kgetha batho bao e bego e tla ba batswadi ba Jesu le lefelo leo a bego a tla golela go lona. Ithuteng kamoo Jehofa a ilego a šireletša Jesu gore a se ke a bolawa ke Heroda, le gore ga go na selo seo se ka thibelago Jehofa go phethagatša morero wa gagwe. Ithuteng le kamoo Jehofa a kgethilego Johane gore a bulele Jesu tsela. Hlalosa kamoo Jesu a bontšhitšego gore o be a rata Jehofa go tloga e sa le yo monyenyane.