Kuni gafi Giriikete Afiita Qullaawa Borro egensiisanno. Yesuusi shiimu katamira anga ajjino maate giddo ilamino. Isi hanaatsichu annisi ledo loosino. Yesuusi mannu ooso gatisannoho. Yihowa iso iimi Mangistera Moote asse doorinosi. Ooso iloottoha ikkiro, qaaqqikki Yihowa Yesuusi lophanno maatenna qooxeessa hayyotenni doorino gara huwatanno gede kaaꞌli. Yihowa, Heeroodiisi Yesuusa shaannokki gede agarino garanna Isi hedinore assannokki gede hoolannosiri nookkita huwatate woꞌnaali. Yihowa, Yohaannisi Yesuusira doogo qixxeessanno gede assino gara huwati. Yesuusi qaaqqu noo woyiteno, hayyo baxannota leellishino gara luphi assite kuli.