Parte neʼe fó sai istória husi Eskritura Lian Gregu. Jesus moris iha família kiak ida neʼebé hela iha sidade kiʼik. Nia serbisu hamutuk ho ninia aman neʼebé badaen-ai. Jeová hili Jesus atu salva ema no sai Liurai ba Maromak nia Ukun iha lalehan. Se Ita iha oan, ajuda sira komprende oinsá Jeová hili família neʼebé sei tau matan no hatudu domin ba Jesus. Hanorin sira kona-ba oinsá Jeová proteje Jesus husi Herodes no oinsá Jeová nia hakarak sempre sai loos. Esplika oinsá Jeová fó knaar ba João atu prepara dalan ba Jesus no oinsá husi kiʼik kedas Jesus hatudu katak nia hadomi Jeová nia matadalan.