Mbɔtwɛlɔ ka Etenyi 11
Etenyi kɛnɛ ekɔ mbɔtwɛlɔ ka Afundelo w’Akristo wa lo Grɛkɛ. Yeso akotɔ lo nkumbo kɛmɔtshi ka wola kakadjasɛka lo osomba wa tshitshɛ. Nde akakambaka kaamɛ la she laki otshudi wa abaya. Yeso mbakahombe nshimbɛ anto. Jehowa akɔɔsɔnɛ oko nkumekanga ka Diolelo dia l’olongo. Naka wɛ ekɔ ombutshi, kimanyiya ɔnayɛ dia nde mɛna woho wakasɛdingola Jehowa dimɛna dimɛna nkumbo ndo dihole diakahombe Yeso mbola. Ɛnya woho wakakokɛ Jehowa Yeso di’aha nde ndjakema oma le Hɛrɔdɛ ndo woho wele ndooko ɛngɔ kakoka nshimba sangwelo dia Jehowa. Ɛnyande woho wakasɔnɛ Jehowa Joani dia nɔngɔsɔlɛ Yeso mboka. Tɔtɔmiya woho wakɛnya Yeso dia nde nangaka lomba l’oma le Jehowa kaanga etena kakinde eke dikɛnda.
LO ETENYI KƐNƐ
Elizabɛtɛ ambota ɔna
Lande na kakawatɛ omi aki Elizabɛtɛ dia nde hatokoka ntɛkɛta polo ɔna ambotɔ?
Ngabriyɛlɛ amboya le Mariya
Nde akawewoya losango lakatshikitanya lɔsɛnɔ lande.
Andjelo wambewoya eotwelo ka Yeso
Alami w’ɛkɔkɔ woki diewoyelo sɔ wambɔsa yɛdikɔ aha la ntshimbatshimba.
Jehowa ambokokɛ Yeso
Nkumekanga ka kɔlɔ kakalange ndjaka Yeso.
Yeso eke dikɛnda
Ngande wakandambiya embetsha lo tɛmpɛlɔ?
Joani ambɔlɔngɔsɔla mboka
Joani amboola dia monga omvutshi. Nde ambetsha dia Mɛsiya ekɔ lo ndjaye. Ngande wakasale anto la losango lande?
