Ekicweka kinu nikyanjura Ebyahandiikirwe by’Oruyonaani. Yesu akazaarwa omu ka etali y’amaani kandi ekaba eri omu rubuga orutaito. Yakoraga na ise, omubaizi. Yesu nuwe akaba atumirwe kujuna abantu boona. Yahwe akaba amukomeremu kuba Omukama w’Obukama bw’omu iguru. Obw’oraaba oli muzaire konyera omwana wawe kurora ngu Yahwe akakomamu eka, n’ekiikaro ekirungi nambere Yesu yakukuliire. Mwegese ngu Yahwe nuwe yalinzire Yesu ataitwa Herode kandi ngu busaho ekintu kyona ekisobora kulemesa ebigendererwa bye. Mwoleke omulingo Yahwe yataireho Yohana kutekaniriza Yesu omuhanda. Mukonyere n’okumanya omulingo Yesu  yayolekere ngu akaba n’agonza amagezi kuruga hali Yahwe n’obwaraaba yali muto.