Introduksyon ha Seksyon 11
Hini nga seksyon titikangan an paghisgot ha Kristiano Griego nga Kasuratan. Natawo hi Jesus ha pobre nga pamilya nga naukoy ha gutiay nga syudad. Nabulig hiya ha iya tatay nga panday. Hiya an magtatalwas ha katawohan. Ginpili hiya ni Jehova nga Hadi ha Ginhadian ha langit. Kon usa ka nga kag-anak, buligi an imo anak nga masabtan kon paonan-o ginpili hin maopay ni Jehova an magigin pamilya ni Jesus ngan an lugar diin hiya magdadaku. Tagda kon paonan-o hiya ginpanalipdan ni Jehova han gin-ikaparatay hiya ni Herodes ngan hisguti nga waray makakapugong ha katuyoan ni Jehova. Hibaroi kon paonan-o gintokahan ni Jehova hi Juan basi iandam an dalan para kan Jesus. Pabug-ati kon paonan-o iginpakita ni Jesus nga hinigugma niya an kinaadman ni Jehova bisan han bata pa hiya.
HINI NGA SEKSYON
LEKSYON 68
Nagkaanak hi Elizabeth
Kay ano nga ginsidngan an bana ni Elizabeth nga diri hiya makakayakan tubtob nga matawo an bata?
LEKSYON 69
Hi Gabriel Binisita kan Maria
Ginsumatan hi Maria hin mensahe nga nakagbag-o han iya kinabuhi.
LEKSYON 70
Iginpahibaro han mga Anghel an Katawo ni Jesus
Kumadto dayon kan Jesus an mga paraataman hin karnero han hinbatian nira an pahibaro.
LEKSYON 73
Igin-andam ni Juan an Dalan
Nagin propeta hi Juan pagdaku niya. Igintutdo niya nga maabot an Mesias. Ano an inabat han mga tawo ha iya mensahe?