Jesusajj alajjpach Reinotwa parläna. Diosar orasiñsa akham yatichäna: ‘Diosan sutipajj jachʼañchatäpan, Reinopajj jutpan, amtanakapajj aka oraqen phoqaspan’ sasa. Jumatï wawanïstajja, uka oracionajj kamsañsa muni, kunatsa jakañ vidasan wali wakiskiri uk qhanañchäta. Jesusajj janiw Supayampejj Diosat apaqayaskänti. Jesusajj apostolonak ajllïna, jupanakaw Reinonkañatak nayrïr ajllitanakäpjjäna. Jesusajj yanaptʼañ laykojj usutanakaruw qolläna, manqʼat awtjatanakaruw manqʼayäna, yaqhep jiwatanakarus jaktayänwa. Uka milagronak lurasajja, kunjamsa Reinojj jaqenakar yanaptʼani ukwa uñachtʼayäna.