Majubul ma Pes 12
Yésu a bi niiga bôt kii i bé Ane ngii. A niiga ki bo le ba soohe inyu boñ le jôl li Djob li tééba lipubi, le Ane yé i loo, ni le sômbôl yé i bôña hana isi. Ibale u yé isañ bon, toñle bo kii masoohe mana ma nkobla inyu yés. Yésu a bi nwas bé le Satan a bôk ndéñbe yé. Yésu a bi pohol baôma bé, bon ba bi yila batek hikuu hi Ane. Unda makénd Yésu a bééna inyu bibégés bipubi. Inyule a bé a ngwés hôla bape, Yésu a bi mélés bakokon, a jés bôt ba bé njal, a témbna yak bawoga i niñ. Ni manyaga ma momasôna, a bé unda mam Ane i ga boñ inyu bôt ba binam.
MUNU PES INI
Yésu a nyila Mésia
Kii Yôhanes a bééna ikété mahoñol ngéda a kal le Yésu a yé Man Ntômba Nyambe?
Nsohop a noode Yésu
Nsohop a noode Yésu ngélé aa. Mambe manoodana maa a nkôs? Lelaa Yésu a ntimbhe?
Yésu a mpubus témpel
Inyuki Yésu a bi pémés bilém i témpel, a kwés bitéblé bi bahéñha moni isi?
Muda i bee malép
Muda Samaria a yé nhelek kiki Yésu a mpôdôs nye. Inyuki? Limbe jam Yésu a ñañle nye, le a bi añle bé mut numpe?
Yésu a ñañal ñañ nlam u Ane
Yésu a nsébél ngim banigil yé ipe i ba “bayéñ bôt.” I mbus, a uñgus 70 ma banigil bé inyu añal miñañ minlam.
Yésu a mboñ ngandak bihélha bi mam
To hee homa Yésu a bé ke, bakokon ba bé noñ nye inyu bat mahôla, Yésu a bé mélés bo. A bi témbna hingongonda i niñ.
Yésu a ntep jôm li baôma ni iba
Inyuki Yésu a bi pohol bo? Baa u nhoñol môl map?
Nkwel i ngii hikôa
Yésu a niiga limut li kôdi biniigana bi mahee.
Yésu a niiga banigil bé lelaa ba nsoohe
Inyu mimbe mintén mi mam a bi kal banigil bé le ba nwaa bañ yagal?
Yésu a njés dikôô di bôt
Kii manyaga mana ma unda bés inyu Yésu bo Yéhôva?
Yésu a nke i ngii malép
baa u nla hégda lelaa baôma ba bi nôgda i mbus manyaga mana?
Yésu a mbuubaha mut i Ngwa noi
Inyuki bôt bobasôna ba bi kon bé maséé ni yom Yésu a bi boñ?
Yésu a ntugul Lasarô
Ngéda Yésu a bi tehe Maria a yé ee, yak nye a bôdôl ee. Ndi maéa map ma bi pala yila maséé.
