Kata Pengantar tu Bagian 12
Diajarhon Jesus do tu angka halak taringot Harajaon ni Debata. Diajari do muse nasida manangiangkon asa dipabadia goar ni Debata, ro Harajaonna jala saut lomo ni rohana di tano on. Hamu angka natua-tua, paboa ma tu gellengmuna arti ni tangiang i. Asing ni i, sai dioloi Jesus do Debata nang pe dibahen Sibolis sian nasa gogona laho manegai haporseaon ni Jesus. Dipillit Jesus do angka muridna na laho mangulahon ulaon na ringkot di Harajaon ni Debata. Parrohahon ma, ringgas do Jesus mangulahon lomo ni roha ni Debata. Asi do rohana tu angka halak. Alani i, dipamalum ibana do na marsahit, dilehon do mangan na male jala dipangolu do angka
na mate. Marhite angka mukjizat i, dipatudu Jesus ma aha na laho masa di Harajaon ni Debata.DI BAGIAN ON
PARSIAJARAN 74
Gabe Messias ma Jesus
Aha do lapatan ni hata ni si Johannes tingki didok ibana Jesus Anak Domba ni Debata?
PARSIAJARAN 75
Sibolis Manguji Jesus
Tolu hali ma Sibolis manguji Jesus. Angka aha ma i? Aha didok Jesus?
PARSIAJARAN 76
Diusir ma Angka Parjualan sian Bagas Joro
Boasa diusir Jesus angka binatang sian bagas joro jala dibalikkon meja ni panukar hepeng?
PARSIAJARAN 77
Sahalak Borua di Sumur
Tarsonggot ma borua Samaria na di sumur ni si Jakkob ala mangkatai Jesus tu ibana. Boasa? Aha do didok Jesus tu ibana na so dipaboa i Jesus tu na asing?
PARSIAJARAN 78
Jesus Paboahon Harajaon ni Debata
Dibahen ibana ma angka muridna gabe ‘sijala jolma.’ Dung i, diajari ibana ma 70 muridna laho paboahon barita na uli.
PARSIAJARAN 79
Jesus Mambahen Angka Mukjizat
Tudia pe Jesus lao, sai ro do angka na marsahit mangido asa dipamalum, jala dipalum Jesus do nasida. Holan ujung ni bajuna pe ditiop, malum do nasida.
PARSIAJARAN 80
Jesus Mamillit 12 Muridna
Boasa dipillit Jesus nasida? Diingot ho do ise goar ni nasida?
PARSIAJARAN 82
Diajari Jesus do Muridna Martangiang
Angka aha do na didok Jesus na porlu sai tapangido?
PARSIAJARAN 83
Dilehon Jesus Marribu Halak Mangan
Tingki dilehon Jesus mangan marribu halak, aha do na taboto taringot Jesus dohot Jahowa?
PARSIAJARAN 84
Jesus Mardalan di Atas ni Aek
Boi do dibayangkon ho songon dia perasaan ni angka murid mangida mukjizat i?
PARSIAJARAN 85
Jesus Pamalum na Marsahit di Ari Sabbat
Boasa ndang sude marlas ni roha mangida na dibahen Jesus?
PARSIAJARAN 86
Mangolu Muse Si Lasarus
Tingki diida Jesus si Maria tangis, ibana pe dohot do tangis. Alai marlas ni roha do muse nasida.