Introduksiyon sa Seksiyon 12
Tinukduan ni Jesus an mga tawo manungod sa Kahadian kan kalangitan. Tinukduan niya man sinda na mamibi para pakangbanalon an ngaran nin Diyos, para umabot an saiyang Kahadian, asin para mangyari an kabutan niya digdi sa daga. Kun saro kang magurang, ipaliwanag sa saimong aki an kahulugan sa sato kan pamibing ini. Tanganing dai mawara an kaimbudan ni Jesus sa Diyos, linabanan niya an panenentar ni Satanas. Pinili ni Jesus an mga apostol niya bilang an inot na mga miyembro kan Kahadian, asin tinawan sinda nin importanteng marhay na gibuhon diyan. Mangnuhon an dakulang pagmamaigot ni Jesus para sa tunay na pagsamba. Dahil gusto ni Jesus na matabangan an iba, pinaumayan niya an mga may hilang, pinakakan an mga nagugutom, asin nagbuhay pa ngani nin mga gadan. Paagi sa mga milagrong ini, ipinahiling niya kun ano an gigibuhon kan Kahadian para sa mga tawo.
SA SEKSIYON NA INI
LEKSIYON 74
Nagin Mesiyas si Jesus
Ano an buot sabihon ni Juan sa pagsabing si Jesus an Kordero nin Diyos?
LEKSIYON 75
Tinentaran si Jesus kan Diyablo
Tulong beses na tinentaran si Jesus kan Diyablo. Ano an tulong itinentar saiya? Paano si Jesus nagsimbag?
LEKSIYON 76
Lininig ni Jesus an Templo
Taano ta pinaluwas ni Jesus sa templo an mga hayop asin tinurumba an mga lamesa kan mga pararibay nin kuwarta?
LEKSIYON 77
An Babayi sa May Bubon
Nagngalas an babaying Samaritano kan kinaulay siya ni Jesus. Taano? Ano an sinabi saiya ni Jesus na dai pa niya sinabi sa kiisay man?
LEKSIYON 78
Ihinulit ni Jesus an Mensahe kan Kahadian
Inagda ni Jesus an pira sa mga disipulo niya na magin “mga parasira nin tawo.” Dai nahaloy, sinanay niya an 70 sa mga parasunod niya na ihulit an mensahe kan maugmang bareta.
LEKSIYON 79
Naggibo si Jesus nin Dakul na Milagro
Sain man siya magduman, minadurulok saiya an mga may hilang para magpatabang, asin pinaumayan niya sinda gabos. Binuhay niya pa ngani an nagadan na sadit na aking babayi.
LEKSIYON 80
Nagpili si Jesus nin Doseng Apostol
Ano an ipinagibo niya sa sainda? Nagigirumduman mo an mga pangaran ninda?
LEKSIYON 81
An Sermon sa Bukid
Tinukduan ni Jesus nin kapakipakinabang na mga leksiyon an dakul na tawo na nagkatiripon.
LEKSIYON 82
Tinukduan ni Jesus an Saiyang mga Disipulo Kun Paano Mamibi
Anong mga bagay an sinabi niya sa saiyang mga disipulo na padagos na hagadon?
LEKSIYON 83
Nagpakakan si Jesus nin Rinibong Tawo
Paagi sa milagrong ini, ano an manunudan ta manungod ki Jesus asin ki Jehova?
LEKSIYON 84
Naglakaw si Jesus sa Ibabaw nin Tubig
Naiisip mo daw kun ano an namatian kan mga apostol kan mahiling ninda an milagrong ini?
LEKSIYON 86
Binuhay Liwat ni Jesus si Lazaro
Napahibi man si Jesus kan mahiling niya si Maria na naghihibi. Pero dai nahaloy an saindang mga luha naribayan nin kaugmahan.