Amashiwi ya Kutendekelako mu Cipande 12
Yesu alesambilisha abantu pa Bufumu bwa ku muulu. Na kabili alebasambilisha no kupepa ukuti ishina lya kwa Lesa libe ilya mushilo, ukuti Ubufumu bwakwe bwise e lyo no kuti ukufwaya kwakwe kucitike pano isonde. Nga muli bafyashi londolweleni umwana wenu ifyo ili ipepo lingatwafwa. Yesu talekele Satana amulenga aleka ukuba uwa cishinka kuli Lesa. Yesu alisalile abatumwa bakwe, kabili e babalilepo ukuba mu Bufumu. Moneni ifyo Yesu atemenwe ukupepa kwa cine. Apo Yesu alefwaya ukwafwa abantu, aleundapa abalwele, alepeela abali ne nsala ifya kulya, kabili alebuusha na bafwa. Ifi fyonse alecita fyalelanga ifyo Ubufumu bukacitila abantu.
MULI ICI CIPANDE
Yesu Aba Mesia
Ni mwi Yohane aloseshe ilyo alandile ukuti Yesu e Mwana wa mpaanga uwa kwa Lesa?
Satana Kaseebanya Aesha Yesu
Pa miku itatu Satana Kaseebanya alyeseshe Yesu. Mesho nshi yatatu Yesu akwete? Bushe Yesu acitile shani?
Yesu Awamya Itempele
Mulandu nshi Yesu apangiile ica kufopwelako ica ntambo no kufumya inama mwi tempele? Cinshi awishishe amatebulo ya balekabusha indalama?
Umwanakashi pa Cishima
Umwanakashi umwina Samaria apapa ifi Yesu alanda nankwe. Mulandu nshi? Finshi Yesu amweba ifyo ashabalile ebako umuntu nangu umo?
Yesu Alebila Imbila ya Bufumu
Yesu aeba abasambi bamo ukuba “abalondo ba bantu.” Pa numa, asambilisha abasambi bambi 70 ifya kubila imbila nsuma.
Yesu Acita Ifipesha Amano Ifingi
Konse uko Yesu aleya, abalwele baleya kuli ena pa kuti abafwe, kabili alebondapa. Alibuushishe no mukashana umunono ku bafwa.
Yesu Asala Abatumwa 12
Cinshi abasalile? Bushe uleibukisha amashina yabo?
The Sermon on the Mountain
Yesu alesambilisha abantu abalongene amasambililo ayacindama.
Yesu Asambilisha Abasambi Bakwe Ifya Kupepa
Fintu nshi aebele abasambi ukulalomba?
Yesu Aliisha Abantu Abengi Sana
Bushe ici icipesha amano citusambilisha finshi pali Yesu e lyo na Yehova?
Yesu Aenda pa Menshi
Bushe kuti waelenganya ifyo abasambi baumfwile ilyo bamwene ici icipesha amano?
Yesu Aundapa Umuntu pe Sabata
Mulandu nshi abantu bonse bashitemenwe ifyo acitile?
Yesu Abuusha Lasaro
Ilyo Yesu amwene Maria alelila, na o alitendeke ukulila. Lelo tapakokwele balilekele ukulila kabili bali ne nsansa.
