Yesu kalongesele atu hakutwala ku Wanangana wa mu malilu. Kaalongesele nawa hanga alembe ni kuhalisa jina lia Zambi, kwita Wanangana wenyi wize, ni upale wenyi ulingiwe hano hashi. Nyi uli chisemi, lumbunwina ana je yize kulemba chino chinalumbunuka kuli yetu. Yesu kakechele hanga Satana apihise ushishiko wenyi. Yesu kasakwile apostolo jenyi, chocho ayo yapwa fundamentu ya Wanangana. Shindakenya zango lia Yesu ha uwayilo wamwenemwene. Amu azangile kukwasa akwo, Yesu yawuka misongo ya atu, yalisa atu, nawa akwo yaahindwisa ku ufwe. Yikomokeso yino, yasolwele yize makalinga hali atu mu Wanangana wa Zambi.