Zezi ti koz lo Rwayonm lesyel avek bann dimoun. I ti osi ansenny zot pour priye pour ki non Bondye i ganny sanktifye, son Rwayonm i vini e son lavolonte i ganny fer lo later. Si ou en paran, eksplik ou zanfan akoz sa lapriyer i enportan. Zezi pa ti les Satan fer li kas son fidelite. Zezi ti swazir son bann zapot ki ti pou zwe en rol vreman enportan e vin bann premye manm sa Rwayonm. Remark devosyon ki Zezi ti annan pour vre ladorasyon. Vi ki Zezi ti anvi ed lezot, i ti geri bann malad, donn manze bann ki lafen e menm redonn lavi bann ki’n mor. Tou sa bann mirak i montre ki Rwayonm pou fer pour limanite.