Jezu kplɔ́n nǔ mɛ lɛ dó Axɔsuɖuto jixwé tɔn wu. É lɛ́ kplɔ́n ye ɖɔ ye ni nɔ xoɖɛ ɖɔ nyikɔ Mawu tɔn ni nyí nǔ mímɛ́, bonu Axɔsuɖuto tɔn ni wá lobonu jlǒ tɔn ni nyí wiwa ɖò ayikúngban jí. Enyi mɛjitɔ́ ɖé wɛ nú we hǔn, tinmɛ lè e ɖɛ enɛ sín jijɛnu na hɛn wá nú mǐ é nú vǐ towe. Jezu lɔn bonu Satáan xò gbejininɔ tɔn yí ǎ. É cyan mɛsɛ́dó tɔn lɛ bɔ ye nyí Axɔsuɖuto ɔ sín hagbɛ̌ nukɔntɔn lɛ. Ðǒ ayi lee Jezu nɔ ɖókan dó sinsɛn-biblo nugbǒ ɔ wu gbɔn é wu. Ðó Jezu jló na d’alɔ mɛ ɖevo lɛ wutu ɔ, é gbɔ azɔn nú ye, na nùɖuɖu mɛ e ɖò xovɛ lɛ é bo tlɛ lɛ́ fɔ́n mɛ sín kú. Gbɔn nùjiwǔ enɛ lɛ bǐ gblamɛ ɔ, é ɖè nǔ ɖěɖee Axɔsuɖuto ɔ na wá wà nú gbɛtɔ́ lɛ é xlɛ́.