Kabwarabwaraani Mwakoro 12
E reireinia aomata Iesu taekan te Tautaeka n Uea ae bwaini karawa. E reireinia naba bwa a na tataro bwa e na katabuaki aran te Atua, e na roko Ana Tautaeka n Uea, ao e na karaoaki nanona i aon te aba. Ngkana te karo ngkoe, kabwarabwaraa nakon natim nanon te tataro aei ao kakawakina ni maiura. E aki kariaia Iesu bwa e na urua kakaonimakina ni koaua Tatan. E rineiia ana abotoro ao boni ngaiia aika riki bwa moani kaain te Tautaeka n Uea ao iai tabeia ae rangi ni kakawaki iai. Nora aron ingaingan Iesu ibukin te taromauri ae koaua. E kani buokiia aomata Iesu ngaia are e kamarurungia aoraki, e kaamwarakeia aika baki, ao e kautiia naba naake a mate. N ana kakai ni kabane aikai, e kaotii raoi baike e na karaoi te Tautaeka n Uea ibukia aomata.
N TE MWAKORO AEI
REIREI 74
E a Riki Iesu Bwa te Mesia
Tera ae e nanonna Ioane ngke e taekina Iesu bwa Ana Tiibutetei te Atua?
REIREI 75
E Kataa Iesu te Riaboro
E kariria Iesu te Riaboro tenua te tai. Baikara ana kariri? E kangaa ni kaeka Iesu?
REIREI 76
E Kaitiaka te Tembora Iesu
E aera Iesu ngke e kaotinakoia maan man te tembora ao ni karangai aia taibora taan raimwane?
REIREI 77
Te Aine i Taun te Mwanibwa
E mimi ainen Tamaria ngke e kataetaeaki iroun Iesu. Bukin tera? Tera te bwai are e tuangnga Iesu, ae e tuai man tuanga temanna?
REIREI 78
E Tataekina Rongorongon te Tautaeka n Uea Iesu
E kaoia Iesu taan rimwina tabeman bwa a na riki bwa ‘taan akawa aika konaia aomata.’ Imwina riki, e kataneiaia 70 taan rimwina bwa a na tataekina te rongorongo ae raoiroi.
REIREI 79
E Karaoi Kakai Aika Bati Iesu
N taabo ake e nako iai, a roroko aomata aika aoraki irouna bwa a kani buokaki, ao e kamarurungia. E kauta naba te teinnaine temanna man te mate.
REIREI 81
Te Kabwarabwara i aon te Maunga
E anga taian reirei aika kakawaki Iesu nakoia aomata aika bati aika ikoikotaki.
REIREI 82
E Reireinia Iesu Taan Rimwina Aroia n Tataro
Baikara baike e tuangia taan rimwina Iesu bwa a na teimatoa ni bubutii?
REIREI 83
E Kaamwarakeia Aomata Aika Nga ma Nga Iesu
Tera ae kaotaki n te kakai aei ibukin Iesu ao Iehova?
REIREI 84
E Nakonako Iesu i Aon te Ran
Ko ataia bwa tera aia iango abotoro ngke a nora te kakai aei?
REIREI 85
E Katoki Aoraki Iesu n te Bongi n Taabati
E aera bwa a aki kukurei aomata n te bwai are e karaoia?
REIREI 86
E Kauta Rataro Iesu
Ngke e nora Maria n tang Iesu, e a manga tang naba. Ma e waekoa ni bitaki tangia nakon te kimwareirei.