Jesus verzellt de Mensche vom Königriich vom Himmel. Er bringt ihne au bii, drum z bete, dass de Name vo Gott heilig ghalte wird, dass sis Königriich chunnt und dass sin Wille uf de Erde passiert. Erklär dim Chind, was das Gebet für üs bedütet. Und zeig ihm, wie fescht sich Jesus für di wahri Abetig iisetzt. Jesus bliibt Jehova treu, obwohl de Tüfel versuecht, das z ändere. Jesus wählt d Aposchtel us. Si sind di erschte, wo zum Königriich vom Himmel ghöred und spiled dört e wichtigi Rolle. Wil Jesus andere helfe möcht, heilt er Chranki, git dene, wo Hunger hend, z esse und tuet sogar Toti uferwecke. Mit dene Wunder zeigt er, was s Königriich für üs mache wird.