Gintudluan ni Jesus ang mga tawo parte sa Ginharian sang langit. Gintudluan man niya sila nga ipangamuyo nga mapakabalaan ang ngalan sang Dios, magkari ang iya Ginharian, kag matuman ang iya kabubut-on sa duta. Kon ikaw isa ka ginikanan, ipaathag sa imo bata kon ngaa importante ini nga pangamuyo sa aton. Wala gintugutan ni Jesus nga gub-on ni Satanas ang iya pagkamainunungon. Nagpili si Jesus sang iya mga apostoles, kag nangin una sila nga miembro sang Ginharian. Ipadaku sa iya ang kakugi ni Jesus sa matuod nga pagsimba. Gusto ni Jesus buligan ang iban, gani gin-ayo niya ang mga nagamasakit, ginpakaon ang mga ginagutom, kag ginbuhi pa gani ang mga patay. Paagi sa iya mga milagro, ginpakita niya kon ano ang himuon sang Ginharian para sa mga tawo.