Yexus qhia txog lub Nceeg Vaj uas nyob saum ntuj ceeb tsheej rau tibneeg. Yexus kuj qhia lawv thov kom Yehauvas lub npe dawb huv, kom Nws lub Nceeg Vaj los, thiab kom muaj raws li Nws lub siab nyiam rau hauv ntiajteb. Cov niam txiv qhia rau koj tus menyuam seb zaj lus thov no pab tau peb li cas. Yexus yeej tsis cia Xatas rhuav tau nws txojkev npuab siab rau Yehauvas li. Yexus tau xaiv ib txhia los ua nws cov tubtxib, lawv yuav ua lub hauv paus ntawm lub Nceeg Vaj. Koj yuav ua tib zoo kawm txog qhov uas Yexus kub siab lug rau txojkev pe hawm tseeb. Vim Yexus xav pab lwm tus, nws thiaj kho cov uas muaj mob, pub mov rau cov tshaib nqhis, thiab tsa cov tuag ciaj sawv rov los muaj sia. Tej txujci uas nws ua no qhia txog tej uas lub Nceeg Vaj yuav ua rau noob neej yav tom hauv ntej.