Jezi te anseye moun yo konsènan Wayòm syèl la. Mete sou sa, li te anseye yo pou yo priye pou non Bondye vin sen, pou Wayòm li an vini e pou volonte l fèt sou tè a. Si w se yon papa oswa yon manman, esplike pitit ou ki jan lapriyè enpòtan pou nou. Jezi pa t kite Satan kraze fidelite l. Jezi te chwazi apot li yo e yo te vin premye moun ki te gen yon wòl enpòtan nan Wayòm li an. Gade ki jan Jezi te chofe pou vrè adorasyon an. Piske Jezi te vle ede lòt moun, li te geri moun ki malad, li te bay moun ki grangou manje, e l te menm leve moun ki mouri. Grasa tout mirak li te fè yo, li te montre ki sa Wayòm nan pral fè pou lèzòm.