Հիսուսը մարդկանց սովորեցնում էր երկնքի Թագավորության մասին։ Նա նաև սովորեցնում էր նրանց աղոթել, որ սրբացվի Աստծու անունը, որ գա նրա Թագավորությունը, և որ նրա կամքը լինի երկրի վրա։ Եթե ծնող ես, բացատրիր երեխայիդ, թե այս աղոթքը ինչ նշանակություն ունի մեզ համար։ Հիսուսը թույլ չտվեց Սատանային կոտրել իր նվիրվածությունը։ Նա ընտրեց իր առաքյալներին, որ լինեին Թագավորության առաջին անդամները և կարևոր դեր ունենային դրա մեջ։ Երեխայիդ ուշադրությունը հրավիրիր այն բանի վրա, թե որքան նախանձախնդիր էր Հիսուսը ճշմարիտ երկրպագության հանդեպ։ Քանի որ Հիսուսն ուզում էր օգնել ուրիշներին, նա բուժում էր հիվանդներին, կերակրում էր քաղցածներին և նույնիսկ հարություն էր տալիս մահացածներին։ Այս հրաշքները գործելով՝ նա ցույց էր տալիս, թե ինչ է Աստծու Թագավորությունը անելու մարդկության համար։