Jaku Pemuka ke Begian 12
Jesus ngajar orang mayuh pasal Perintah Petara. Iya mega ngajar sida besampika nama Petara ngambika dikudus, penatai Perintah Iya, sereta peneka Iya nyadi ba dunya. Enti nuan apai indai, terangka ngagai anak nuan reti sampi tu ke kitai. Jesus enda ngemendarka Sitan ngerusak penaluk iya. Jesus milih bala murid iya, lalu sida nyadi orang keterubah ba Perintah nya ke megai tanggung pengawa ti berat. Peratika pengeransing Jesus ke sembah ti bendar. Ketegal iya deka nulung orang bukai, Jesus ngeraika orang ti sakit, meri pemakai sereta ngangkatka orang mati idup baru. Ari semua kereja ajih tu, iya nunjukka utai ke deka digaga Perintah Petara jemah ila.
BA BEGIAN TU
Jesus Nyadi Messiah
Nama reti ku John lebuh iya madahka Jesus nya Anak Domba Petara?
Sitan Nguji Jesus
Sitan nguji Jesus tiga kali. Nama tiga iti penguji nya? Baka ni Jesus nyaut Sitan?
Jesus Ngasuh Rumah Sembiang Tuchi
Nama kebuah Jesus muru jelu pansut ari rumah sembiang lalu nungkupka mija orang ke penukar duit?
Indu ke ba Telaga
Seiku indu Samaria tekenyit lebuh Jesus bejaku enggau iya. Nama kebuah? Nama utai ke dipadah Jesus ngagai iya ke enda kala dipadah ngagai orang bukai?
Jesus Nginjil Pasal Perintah Petara
Jesus mai sekeda murid iya “ngulihka mensia.” Udah nya, iya ngelatih 70 iku ari murid iya nginjil pasal berita manah.
Jesus Ngereja Mayuh Kereja Ajih
Enda ngira kini penunga iya, orang ke sakit datai ngagai iya minta tulung, lalu iya ngeraika sida. Iya mega ngangkatka seiku anak mit ke indu ari pemati.
Jesus Milih Dua Belas Iku Rasul
Nama kebuah iya milih sida? Agi nuan ingat nama sida?
Ajar ba atas Bukit
Jesus ngajar utai ti beguna ngagai orang mayuh ke begempuru.
Jesus Ngajar Bala Murid Iya Chara Besampi
Nama utai ke dipadah Jesus ngagai bala murid iya ke ulih dipinta sida?
Jesus Meri Beribu Iku Orang Makai
Nama ditunjukka kereja ajih tu pasal Jesus enggau Jehovah?
Jesus Bejalai ba atas Ai
Ulih nuan ngambarka asai ati bala rasul lebuh sida meda kereja ajih tu?
Jesus Ngeraika Orang ba Hari Sabat
Nama kebuah ukai semua orang gaga ati enggau utai ke digaga iya?
Jesus Ngangkatka Lasarus Idup Baru
Lebuh Jesus meda Maria nyabak, iya mega berengkah nyabak. Tang sabak sida lalu nyadi sabak gaga ati.