Intruduson di párti 12
Jizus inxina pesoas sobri Reinu di Séu. Tanbê el inxina-s ora pa nómi di Deus ser santifikadu, pa se Reinu ben i pa se vontadi fazedu na Téra. Si bo é pai ô mai, splika bu fidju kuzê ki kel orason li siginifika pa nos. Jizus ka dexa Satanás pô-l ta ser disleal. Jizus skodje se apóstlus i es bira kes primeru algen ki faze párti di Reinu. Pur isu es é algen inportanti na Reinu. Repara modi ki Jizus mostra un amor fórti pa adorason verdaderu. Pamodi el krê djudaba otus algen, Jizus kura duentis, el da kumida pa kes ki staba ku fómi i el poi mortus ta vive otu bês. Ku tudu kes milagri li, el mostra kuzê ki Reinu sta ben faze pa umanus.
NA ES PÁRTI
LISON 75
Diabu tenta Jizus
Diabu tenta Jizus três bês. Kes três tentason éra kuzê? Modi ki Jizus responde?
LISON 76
Jizus linpa ténplu
Pamodi ki Jizus tra kes animal di ténplu i rabida méza di kes algen ki ta trokaba dinheru?
LISON 77
Un mudjer ta panha agu na posu
Un mudjer samaritana fika spantadu kantu Jizus pâpia ku el. Pamodi? Kuzê ki Jizus fla kel mudjer ki el ka flaba ningen?
LISON 78
Jizus prega mensaji di Reinu
Jizus konvida alguns di se disiplus pa ser ‘piskadoris di ómis.’ Dipôs, el trena 70 disiplu pa prega notísias sábi.
LISON 79
Jizus faze txeu milagri
Ka ta nporta undi ki el staba, duentis ta bai atxaba el pa el djuda-s i el ta kuraba tudu es. Ti kel minina ki staba mortu el da-l vida otu bês.
LISON 82
Jizus inxina se disiplus ora
Ki tipu di kuzas Jizus fla se disiplus pa ‘es kontínua ta pidi’?
LISON 84
Jizus anda riba di agu
Bu ta konsigi imajina modi ki apóstlus xinti kantu es odja kel milagri la?
LISON 86
Jizus resusita Lázaru
Kantu Jizus odja Maria ta txora, el kumesa ta txora tanbê. Má ka dura ses tristéza bira alegria.
