Ũhoro wa Kwambĩrĩria wa Gĩcigo gĩa 12
Jesu aarutaga andũ ũhoro wĩgiĩ Ũthamaki wa igũrũ. Ningĩ nĩ aamarutaga kũhoya nĩguo rĩĩtwa rĩa Ngai rĩtherio, Ũthamaki wake ũke, na wendi wake wĩkwo gũkũ thĩ. Angĩkorũo ũrĩ mũciari, taarĩria mwana waku ũrĩa ihoya rĩu rĩtũrutaga. Jesu ndaarekire Shaitani atũme age gũtũũria wĩhokeku wake. Jesu nĩ aathurire atũmwo ake arĩa maarĩ na itemi rĩa bata mũno na nĩo maatuĩkire andũ a mbere Ũthamaki-inĩ wake. Rora wone ũrĩa Jesu aarĩ na kĩyo nĩ ũndũ wa ũthathaiya wa ma. Tondũ nĩ eendaga gũteithia andũ arĩa angĩ, nĩ aahonagia arĩa arũaru, akahũnia arĩa ahũtu, na akariũkia arĩa makuĩte. Kũgerera ciama icio ciothe, Jesu nĩ onanirie ũrĩa Ũthamaki wa Ngai ũgeekĩra andũ.
GĨCHUNJĨ-INĨ GĨKĨ
Jesu Gũtuĩka Mesia
Johana eendaga kuuga atĩa rĩrĩa oigire atĩ Jesu nĩ gatũrũme ka Ngai?
Jesu Kũgerio nĩ Shaitani
Mũcukani nĩ aageririe Jesu maita matatũ. Magerio macio matatũ nĩ marĩkũ? Jesu eekire atĩa?
Jesu Gũtheria Hekarũ
Nĩ kĩĩ gĩatũmire Jesu arutũrũre nyamũ hekarũ-inĩ na ang’aũranie metha cia arĩa maakũũranagia mbeca?
Mũtumia Gĩthima-inĩ kĩa Maĩ
Mũtumia Mũsamaria nĩ aagegire aarĩrio nĩ Jesu. Nĩkĩ? Jesu aamwĩrire ũndũ ũrĩkũ aterĩte mũndũ ũngĩ?
Jesu Kũhunjia Ũhoro wa Ũthamaki
Jesu aanyitire ũgeni arutwo amwe ake matuĩke “ategi a andũ.” Thutha ũcio, nĩ aarutire arũmĩrĩri ake 70 kũhunjia ũhoro mwega.
Jesu Kũringa Ciama Nyingĩ
Kũrĩa guothe Jesu aathiaga, andũ arwaru nĩ maamũkoraga makĩenda ũteithio, nake akamahonia. O na nĩ aariũkirie kairĩtu kanini.
Jesu Gũthuura Atũmwo Ikũmi na Erĩ
Aamathuuraga nĩ ũndũ wa kĩĩ? No ũririkane marĩĩtwa mao?
Mahunjio ma Kĩrĩma-inĩ
Jesu akĩruta kĩrĩndĩ maũndũ ma bata mũno.
Maũndũ Marĩa Ciana Ireruta Kuuma Bibilia-inĩ
Nĩ maũndũ ma mũthemba ũrĩkũ Jesu eerire arutwo mathiĩ na mbere kũhoya?
Jesu Kũhũnia Andũ Ngiri Nyingĩ
Kĩama gĩkĩ gĩtuonagia ũndũ ũrĩkũ wĩgiĩ Jesu na Jehova?
Jesu Kũgerera Igũrũ rĩa Maĩ
Hihi no ũgerie kũhũũra mbica ũrĩa atũmwo maaiguire mona kĩama kĩu?
Jesu Kũhonania Mũthenya wa Thabatũ
Nĩ kĩĩ gĩatũmire andũ amwe maage gũkena nĩ ũndũ wa ũrĩa Jesu ekire?
Jesu Kũriũkia Lazaro
Rĩrĩa Jesu onire Mariamu akĩrĩra, o nake nĩ aarĩrire. No maithori mao macokire gũtuĩka gĩkeno.