Иса мәрьв һин дькьр дәрһәԛа Пʹадшатийа әʹзмана. Әԝи ӧса жи ԝана һин дькьр дӧа бькьн, бона наве Хԝәде пироз бә, Пʹадшатийа ԝи бе, у ԛьрара ԝи сәр әʹрде бе сери. Һәрге зарʹед ԝә һәнә, ԝанарʹа шьровәкьн әԝ дӧа чь те һʹәсабе у чьрʹа әԝ бона мә фәрз ә. Иса изьн нәда Шәйтʹан, ԝәки амьнийа ԝи сьст кә. Иса шагьрт жьбартьн, йед кӧ ахьрийе кʹьфшкьрьна мәхсус Пʹадшатийеда стандьн. Дина хԝә бьдьнә сәр хирәта Иса һьндава һʹәбандьна рʹаст. Иса дьхԝәст али мәрийа бькә, ләма жи йед нәхԝәш ԛәнщ дькьр, бьрчи тʹер дькьр у мьри сах дькьр. Бь ԝан һʹәму кʹәрәмәта Иса нишан кьр, ԝәки Пʹадшатийа Хԝәде ԝе сәва инсанәте чь бькә.