ಯೇಸು ಜನರಿಗೆ ದೇವರ ರಾಜ್ಯದ ಬಗ್ಗೆ ಕಲಿಸಿದನು. ಅಷ್ಟೇ ಅಲ್ಲ, ದೇವರ ಹೆಸರು ಪವಿತ್ರೀಕರಿಸಲ್ಪಡಲಿಕ್ಕಾಗಿ, ಆತನ ರಾಜ್ಯಕ್ಕಾಗಿ, ಆತನ ಚಿತ್ತ ಭೂಮಿಯಲ್ಲಿ ನೇರವೇರಲಿಕ್ಕಾಗಿ ಪ್ರಾರ್ಥಿಸುವಂತೆ ಕಲಿಸಿದನು. ಹೆತ್ತವರೇ, ಈ ಪ್ರಾರ್ಥನೆಯಿಂದ ನಮಗೇನು ಪ್ರಯೋಜನ ಎಂದು ಮಕ್ಕಳಿಗೆ ವಿವರಿಸಿ. ತನ್ನ ನಿಷ್ಠೆಯನ್ನು ಮುರಿಯಲು ಯೇಸು ಸೈತಾನನಿಗೆ ಅವಕಾಶ ಕೊಡಲಿಲ್ಲ. ಯೇಸು ತನ್ನ ಅಪೊಸ್ತಲರನ್ನು ಆರಿಸಿಕೊಂಡನು. ಇವರು ದೇವರ ರಾಜ್ಯದ ಮೊದಲ ಸದಸ್ಯರಾಗಿ ಪ್ರಾಮುಖ್ಯ ಪಾತ್ರ ವಹಿಸಲಿದ್ದರು. ಸತ್ಯಾರಾಧನೆಯ ಕಡೆಗೆ ಯೇಸುವಿಗಿದ್ದ ಹುರುಪನ್ನು ಗಮನಿಸಿ. ಬೇರೆಯವರಿಗೆ ಸಹಾಯ ಮಾಡಬೇಕೆಂದು ಯೇಸು ರೋಗಿಗಳನ್ನು ಗುಣಪಡಿಸಿದನು, ಹಸಿದವರಿಗೆ ಆಹಾರ ಕೊಟ್ಟನು, ಅಲ್ಲದೆ ಸತ್ತವರನ್ನು ಸಹ ಪುನರುತ್ಥಾನ ಮಾಡಿದನು. ದೇವರ ರಾಜ್ಯವು ಮಾನವರಿಗೆ ಏನೆಲ್ಲಾ ಮಾಡುವುದು ಎಂದು ಯೇಸು ಈ ಅದ್ಭುತಗಳ ಮೂಲಕ ತೋರಿಸಿದನು.