Yesu mwakangirirya abandu oko Bwami bw’elhubulha. Kandi athi basabe bathi erina lya Nyamuhanga libye libuyirire, Obwami bwiwe bwase, n’erisonda liwe likolhawe omwa kihugho. Wamabya iwuli mubuthi, soborera omwana wawu ekya musabe oyu akamanyisaya. Yesu mwathalighira Sitani erithwa obuthaleghulha bwiwe. Yesu mwasombolha abakwenda biwe, neryo mubabya musingyi ow’abakakolha Obwami. Lhangira omuhwa owa Yesu awithire eriramya ly’okwenene. Kundi abya anzire eriwathikya abandi, Yesu mwalhamya abalhwere, amalisya abakwire enzalha, n’erisubya ababiriholha. Yesu erikolha ebi, mukyakangania ebyo Bwami bukendi syakolera abandu.