Biji mu Kipungu 12
Yesu wafunjishanga bantu pa Bufumu bwa mwiulu. Wibafunjishe kulomba’mba jizhina ja Lesa jizhile, Bufumu bwanji bwiye ne kyaswa muchima wanji kyubiwe pano pa ntanda byonka byo kibena kubiwa mwiulu. Inge mwi bansemi, lumbulwilai mwanenu luno lulombelo byo lulumbulula kwi atweba. Yesu wakaine Satana kumulengela kubula kwikala wa kishinka. Yesu wasajile batumwa banji kwikala bantomesha batanshi ba mu Bufumu bwa Lesa. Yesu waingilanga na mukoyo mu bupopweshi bwa kine. Yesu wabukile bakolwa, wajishishe bafwa nzala ne kusangula bafwa mambo watemwa kukwasha bantu. Bino bya kukumya byonse bimweshatu patoka Bufumu bwa Lesa byo bukobila bantu kulutwe na lwendo.
BIJI MU KINO KIPUNGU
Yesu Waikele Mesiasa
Yoano watazhizhe mwepi pa kwamba’mba Yesu Mwana Mukooko wa Lesa?
Diabola Waeseka Yesu
Diabola waesekele Yesu pa bimye bisatu. Ñanyi meseko asatu o bamwesekele? Kabiji Yesu wakumbwile byepi?
Yesu Watokeshe Nzubo ya Lesa
Mambo ka Yesu o afumishishemo banyama ne kupinuna matebulu a bantu bapimpwilenga mali mu nzubo ya Lesa?
Mwanamukazhi Waishile ku Mushima
Mwanamukazhi waishile ku mushima wa kwa Yakoba wakuminye bingi Yesu byo esambilenga nanji. Mambo ka? Ñanyi bintu byo amubuujile byo abuujile kubulapo bakwabo?
Yesu Wasapwilanga pa Bufumu bwa Mwiulu
Yesu waambijile baana banji ba bwanga bamo kwikala ‘bakukwata bantu.’ Kepo aichile bakwabo 70 ne kwibafunjisha bya kusapwila mambo awama a bufumu.
Yesu Waubile bya Kukumya Byavula
Konse ko ayilenga Yesu, bakolwa baishilenga kwi aye na kukeba kwibabuka. Kabiji wibabukilenga. Wasangwile ne kashimbi.
Yesu Wasala Batumwa Jikumi na Babiji
Mambo ka o ebasajijile? Wayuka mazhina abo nyi?
Jashi ja Pa Mutumba
Yesu ubena kufunjisha bantu bintu byanema bingi.
Yesu Wafunjishe Baana Banji ba Bwanga bya Kulomba
Ñanyi bintu byo twafwainwa kulombanga?
Yesu Wajiishishe Bantu Bavula
Kino kya kukumya kitufunjishapo ka pe Yesu ne Yehoba?
Yesu Waendele pa Mema
Nanchi wayuka batumwa byo baumvwine kimye kyo bamwene kino kya kukumya nyi?
Yesu Wabukile Mwanamulume pa Juba ja Sabado
Mambo bantu o bapachijile byaubilenga Yesu?
Yesu Wasangwile Lazalasa
Yesu byo amwene Maliya ubena kujila, naye wajijile. Pano bino mipolo ya bulanda yaikele ke mipolo ya lusekelo.