Smɔl Tin bɔt Sɛkshɔn 12
Jizɔs bin de tich pipul dɛn bɔt di Kiŋdɔm we de na ɛvin. I tich dɛn bak fɔ pre fɔ lɛ ɔlman tek Gɔd in nem as sɔntin we oli, fɔ lɛ In Kiŋdɔm kam, ɛn fɔ mek wetin I want bi na di wɔl. If yu na mama ɔ papa, ɛksplen to yu pikin wetin dis prea min fɔ wi. Jizɔs nɔ bin gri fɔ lɛ Setan mek i kɔmɔt biɛn Jiova. Jizɔs pik in apɔsul dɛn, ɛn dɛn kam bi di fɔs pipul dɛn na di Kiŋdɔm. Jizɔs bin gɛt zil fɔ tru wɔship. Bikɔs Jizɔs bin want fɔ ɛp pipul dɛn, i mɛn di wan dɛn we sik, gi tin fɔ it to di wan dɛn we angri, ɛn ivin gi layf bak to pipul dɛn we dɔn day. We i pafɔm dɛn mirekul dɛn ya, i sho wetin di Kiŋdɔm go du fɔ mɔtalman.
INSAY DIS SƐKSHƆN
LƐSIN 76
Jizɔs Klin di Tɛmpul
Wetin mek Jizɔs drɛb di animal dɛn kɔmɔt na di tɛmpul ɛn trowe di wan dɛn we de chenj mɔni dɛn tebul dɛn?
LƐSIN 77
Jizɔs ɛn di Samɛritan Uman
Wan Samɛritan uman na Jekɔp in wɛl bin sɔprayz we Jizɔs tɔk to am. Wetin mek? Wetin Jizɔs tɛl am we i nɔ bin dɔn tɛl ɛnibɔdi yet?
LƐSIN 78
Jizɔs Prich bɔt di Kiŋdɔm
Jizɔs tɛl sɔm pan in disaypul dɛn se “a go sho una aw fɔ luk fɔ pipul dɛn jɔs lɛk aw una kin luk fɔ fish.” Leta, i tren 70 pan di wan dɛn we de fala am fɔ prich di gud nyuz.
LƐSIN 79
Jizɔs Pafɔm Bɔku Mirekul Dɛn
Ɛnisay we Jizɔs bin de go, pipul dɛn we sik bin de kam to am fɔ mek i mɛn dɛn, ɛn i bin de mɛn dɛn. I ivin gi wan smɔl titi layf bak.
LƐSIN 81
Di Tin dɛn we Jizɔs Tich na Wan Mawntin
Jizɔs tich bɔku bɔku pipul dɛn we gɛda impɔtant lɛsin dɛn.
LƐSIN 82
Jizɔs Tich In Disaypul dɛn Aw fɔ Pre
Uskayn tin dɛn i bin tɛl in disaypul dɛn fɔ kɔntinyu fɔ aks fɔ?
LƐSIN 85
Jizɔs Mɛn Pipul dɛn di Sabat De
Wetin mek bɔku pipul dɛn nɔ gladi fɔ wetin Jizɔs bin de du?
LƐSIN 86
Jizɔs Gi Layf Bak to Lazarɔs
We Jizɔs si Meri de kray, insɛf bigin fɔ kray. Bɔt i nɔ tu te, dɛn pwɛl-at tɔn to gladi-at.
