A Buŋgɛi 12 Okɔɔ
A Masale Mɛlɛkaleŋ okɔɔ o choo choo niŋ Chiisu ndoo pɛɛku waŋnda ni. Mi ndoo pɛɛku vɛlɛ waŋnda le ma piɛi le mi diola Mɛlɛkalaŋ la wa la diandaa, le mi Masale ndɔleŋ le hiŋ, nduyɛ mi hɛnaŋ ndɔɔ tosaŋ o choo choo niŋ a o lɛŋndeŋ choo. Te kala chuaa ŋ cho ni, tɛɛsial po numndo ɔɔ chua numndo nyɛ piɛileŋ ndeŋ le sim le naa wo. Chiisu chɛl mi Setana tosa ndu mbo mal Mɛlɛka piɛiyo le. Mi Chiisu hɛli kiilaa nduaa, nduyɛ nda kpeekpei simnuŋ wanaa tasiaa le Masale Mɛlɛkaleŋ ni. Tofawɔ sɛmbɛ Chiisu ndoo nɔ le piɛile tonyaleŋ ndo. Le mɛɛ ndoo yeema le waŋnda malaa yɛ, mbo siŋgi wanaa lanaa wa, mbo ke waŋnda nyɛdiaa, nduyɛ mbo miŋgi wanaa vi wa yoomu. Kaamaala Chiisu tosa laŋ ndaŋ kpou la chɔm kɛsɛ nyɛ Masale Mɛlɛkaleŋ le cho hunɔɔ tosa le waŋnda chieeya wo.
O BUŊGƐI HEI NIŊ
SUƐI LEBOLII 74
Chiisu Simnuŋ Mɛsayanɔɔ
Yɛɛnɛ Chɔŋ ndoo yiyaŋ yɛ mɛɛ o dimi maa Chiisu cho Saa Fɔŋndɔ Mɛlɛkaa ni?
SUƐI LEBOLII 75
Setana Tɔɔndaŋ Chiisu
Mi Setana tɔɔndaŋ Chiisu le yaa kpulukuu. Chɔmndɔ tɔɔndaŋnda yaala laŋ? Vɛɛ Chiisu ndoo mulullɛ ndu?
SUƐI LEBOLLII 76
Chiisu Dindi Chiɛi Mɛlɛkaa
Le yɛɛnɛ Chiisu ndoo soli yɛ visiaa wa o chiɛi Mɛlɛkaa niŋnda o bɛɛ, nduyɛ mbo nyiinduu tibiila wanaa wa kanioŋ siŋgaa wa mbo sɛŋi kaniŋ ndaŋ lɛŋ?
SUƐI LEBOLII 77
Chua Hiŋ o Sooŋ Mamɛŋndo Wo
Mi kɔndɔfillo bii chua Sameeliaŋnɔɔ mɛɛ Chiisu soo o ndu lo. Le yɛɛ? Le yɛɛ Chiisu dimullɛ ndu nyɛ ndoo dimullɔ wana lepilɛ bɛɛ le wo?
SUƐI LEBOLII 78
Chiisu Dimi Yooŋgu Kɛndɔɔ a Masale Mɛlɛkaleŋ Okɔɔ
Chiisu veelu buɛiyaa nduaa apum le ma simnuŋ “wanaa yɔɔyaa ŋwaŋnda chiee.” Okoŋ kɔɔli, mbo pɛɛku buɛiyaa nduaa 70 le yooŋgu kɛndɔɔ dimioo.
SUƐI LEBOLII 79
Mi Chiisu Tosa Kaamaalaŋ Tau
Ba o ba ndoo kuɛ pɛ, mi wanaa wa a naalaŋ nda ndaa tol ndu kɔɔli le mbo mala nda, nduyɛ mi ndoo siŋgi nda. Mbo miŋgi pɛŋ chuaambɔ pɔmbɔ ndoo vi wo yoomu.
SUƐI LEBOLII 80
Chiisu Hɛli Kiilaa 12
Le yɛɛnɛ Chiisu ndoo hɛli yɛ kiilaa nduaa? A sina pa diola ndalaŋ?
SUƐI LEBOLII 81
Suɛi Chiisu Yɔŋgu o Pembei Choo Ve
Mi Chiisu pɛɛku faŋga ndoo chuuŋgiaŋndo sɔɔŋ kɛndɔŋ tau.
SUƐI LEBOLII 82
Chiisu Pɛɛku Buɛiyaa Nduaa Mɛɛ Nda Nɔ Ma Piɛi Yɛ
Sɔɔŋ kuɛɛ Chiisu ndoo dimullɛ buɛiyaa nduaa le ma lambaŋ nyunaa le muŋ?
SUƐI LEBOLII 83
Chiisu Ke Waŋnda o Waalaŋ Niŋ Nyɛdiaa
Yɛɛnɛ kaama hoo pɛɛku yɛ naa a Chiisu okɔɔ nda Chɛhowa?
SUƐI LEBOLII 84
Chiisu Kuɛ o Mɛŋndaŋ Choo
O yiyaŋ numndo niŋ, vɛɛnɛ kɔllo wa yɛ kiilaa Chiisu wa mɛɛ nda che kaamaa hoo?
SUƐI LEBOLII 85
Chiisu Siŋgi Waŋndo o Paale Pɛŋgiaale Chuuwa Choo
Le yɛɛnɛ o ve waŋnda kpou le wa a kɔl kɛndɛ le nyɛ Chiisu wa tosaa wo le?
SUƐI LEBOLII 86
Chiisu Miŋgi Lasalɔɔ Yoomu
Mɛɛ Chiisu che Meele chaŋndo, mi ndu bɛɛ kandu chaŋndo. Kɛ haupa mi chaŋ nda wa wo muliŋ o kɔl kɛndɔɔ.