Yeˍsuˆ chaw yaˇ htaꞈ Gʼuiˬ sha ve mvuhˇ miˬ awˬ lawn maˍ piˇ ve yoˬ. Hkʼe te leh, Gʼuiˬ sha ve awˬ meh htaꞈ yawˆ yan te piˇ lawˬ tuˬ, Gʼuiˬ sha ve mvuhˇ miˬ gaˬ la piˇ tuˬ, leh miˬ guiˬ hkʼoˆ lo htawˇ yawˇ ve a loˍ biˇ la tuˬ, bon lawˬ˗oꞈ tehꞈ Yeˍsuˆ maˍ piˇ ve yoˬ. Nawˬ awˬ pa awˬ e hpehꞈ ve kʼo, bon lawˬ hkawˇ chi ngaˬ hui htaꞈ hkʼaˬ hkʼe caˉ daꞈ ve yaˇ na gʼa tuˬ maˍ piˇ˗oˆ. Saˍtanˍ Yeˍsuˆ htaꞈ ca beˬ yuˬ la htaˇ, yawˇ ka tiꞈ yeˬ chehˇ sheˍ ve yoˬ. Yeˍsuˆ tcuh yaˇ htaꞈ leuˆ yuˬ leh yawˇ hui mvuhˇ naw ma mvuhˇ miˬ hkʼaw chehˇ tuˬ ve awˉ lawˉ teˇ moˍ hpehꞈ ve yoˬ. Awˬ tehˬ oˉ kʼoˍ pui ve Yeˍsuˆ haꞈ jaˇ ve htaꞈ nyi sheˍ. Yawˇ chaw yaˇ htaꞈ ga piˇ gaˇ ve, chaw naˬ htaꞈ gu na˗e piˇ gaˇ ve, meuꞈ ve kaˆ ve chaw htaꞈ caˍ piˇ ve, leh suh peuˬ ve chaw htaꞈ kʼawꞈ teꞈ tu la piˇ ve yoˬ. Yeˍsuˆ te ve anˇ tuˬ chi hkʼa peu˗eˬ yawˇ uˉ peunˍ htaˇ kʼawꞈ te tuˬ yoˬ tehꞈ maˍ laˇ ve yoˬ.