Diumvuija dia Tshitupa tshia 12
Yezu uvua mulongeshe bantu bua Bukalenge bua mu diulu. Uvua mubalongeshe kabidi bua kusambila bua dîna dia Nzambi dijidibue, bua Bukalenge buende bulue, ne bua disua diende dienzeke pa buloba. Wewe muikale muledi, umvuija muanebe tshidi disambila edi diumvuija buetu tuetu. Yezu kavua muitabe bua Satana amupangishe bua kushala ne lulamatu to. Wakasungula bapostolo bende, bobu kulua bantu bavua benza tshishimikidi tshia Bukalenge. Neumone tshisumi tshivua natshi Yezu bua ntendelelu mulelela. Bu muvua Yezu musue kuambuluisha bantu, uvua wondopa babedi, udisha bavua ne nzala, ubisha too ne bantu ku lufu. Pavuaye muenze bishima bionso ebi uvua muleje tshialua Bukalenge kuenzela bukua bantu.
MU TSHITUPA ETSHI
DILONGESHA DIA 74
Yezu udi ulua Masiya
Pavua Yone muambe ne: Yezu udi Muana wa mukoko wa Nzambi, uvua musue kuamba tshinyi?
DILONGESHA DIA 75
Diabolo udi uteta Yezu
Diabolo udi uteta Yezu misangu isatu. Mmateta kayi asatu avuaye mumutete nawu? Ntshinyi tshivua Yezu muenze bua mateta au?
DILONGESHA DIA 76
Yezu udi ukezula ntempelo
Bua tshinyi Yezu uvua muipate nyama mu ntempelo ne mutonkole mêsa a bashintudi ba makuta?
DILONGESHA DIA 77
Muntu mukaji ku tshina tshia mâyi
Mukaji muena Samalea wakakema pavua Yezu mumuakuishe. Bua tshinyi? Yezu uvua mumuambile tshinyi tshivuaye kayi muanji kuambila muntu mukuabu?
DILONGESHA DIA 78
Yezu udi uyisha mukenji wa Bukalenge
Yezu wakabikila bamue ba ku bayidi bende bua balue ‘balobi ba bantu.’ Wakalua kulongesha bayidi bende 70 bua kuyisha mukenji wa lumu luimpe.
DILONGESHA DIA 79
Yezu udi wenza bishima bia bungi
Muaba wonso uvua Yezu uya, babedi bavua baya kudiye bua abambuluishe, ne uvua ubondopa. Wakajula too ne kana ka bakaji ku lufu.
DILONGESHA DIA 80
Yezu udi usungula bapostolo dikumi ne babidi
Uvua mubasungule bua tshinyi? Udi muvuluke mêna abu anyi?
DILONGESHA DIA 81
Muyuki wa pa mukuna
Yezu wakalongesha musumba wa bantu uvua mudisangishe malu a mushinga mukole.
DILONGESHA DIA 82
Yezu udi ulongesha bayidi bende mua kusambila
Mmalu a mushindu kayi avuaye muambile bayidi bende bua kutungunuka ne kulomba?
DILONGESHA DIA 83
Yezu udi udisha bantu binunu ne binunu
Tshishima etshi tshidi tshitulongesha tshinyi bua Yezu ne bua Yehowa?
DILONGESHA DIA 84
Yezu udi wendela pa mâyi
Udiku mua kumona mu lungenyi muvua bapostolo badiumvue pavuabu bamone tshishima etshi anyi?
DILONGESHA DIA 85
Yezu udi wondopangana dituku dia Nsabatu
Bua tshinyi bantu bonso kabavua basanke bua tshivuaye wenza?
DILONGESHA DIA 86
Yezu udi ubisha Lazalo ku lufu
Pavua Yezu mumone Mariya udila, wakatuadija pende kudila. Kadi miadi yabu ayi yakandamuka disanka.